الفصل رقم ٣٨: مارينا.. كمان وكمان
الفصل رقم ٣٨: مارينا.. كمان وكمان
خلصت الأكل الجميل وحاسبت وقمت أتمشى شوية في Porto، بعدها رجعت للعربية.
قررت أقعد شوية على اللسان اللي عند شاطئ السيارات قبل ما أسافر أرجع القاهرة. ركبت العربية وطلعت على مارينا ٢، ركنت ونزلت.
دخلت الشاطئ، طلعت على اللسان واتمشيت لنهايته. قعدت على صخرة مواجهة للبحر وسندت ظهري على صخرة أخرى.
بصيت يمني أتأمل شاطئ السيارات، بالأمس كنت هنا على الشاطئ أُصلي، ومن قبلها كنت آتي لألهو، فهل رحلتي دي هتكون سبب في أني أقدر أبقى مثالي؟ ولا مع الوقت هرجع أعمل معاصي تاني؟
فكرت لدقيقة.. معروف أن الذنب لابد منه، وأنه مهما حاول الشخص أنه يكون على تمام الصراط المستقيم طول الوقت فهو هيفشل، يقول رسول الله صلى الله عليه وسلم:
والذي نفسي بيدِه ! لو لم تذنبوا لذهب اللهُ بكم ، ولجاء بقومٍ يذنبون ، فيستغفرون اللهَ ، فيغفرُ لهم*
ومع ذلك فالكمال في الإيمان يكمن في أننا نتوب بعد أن نذنب، كما فعل نبي الله آدم، عليه السلام، بعدما أن أكل من الشجرة المحرمة، وأنه مهما فعل الشخص الذنب مرة بعد مرة فعليه أن يجتهد ليتوب مرة بعد مرة. حينها، ومع الوقت، سيعافيه الله ويقلع عنه هذا الذنب، ولكنه سيرتقي ويتعلم علم جديد يعلم به أنه مقيم على ذنب لم يكن يعرف عنه، فيبدأ رحلة جديدة للتوبة منه. ويظل المؤمن هكذا حتى يلقى الله. يقول رسول الله صلى الله عليه وسلم:
ما من عبدٍ مؤمنٍ إلا و له ذنبٌ يعتادُه الفينةَ بعدَ الفينةِ ، أو ذنبٌ هو مقيمٌ عليه لا يُفارِقُه حتى يُفارِقَ الدنيا ، إنَّ المؤمنَ خُلِقَ مفتَّنًا توابًا نسَّاءً ، إذا ذُكِّرَ ذكَرَ.**
فكرت أدعي لنفسي، وملقتش دعاء أفضل من سورة الفاتحة. بصيت للأفق وبدأت أقرأ:
بِسْمِ اللَّهِ الرَّحْمَنِ الرَّحِيمِ
الْحَمْدُ لِلَّهِ رَبِّ الْعَالَمِينَ
الرَّحْمَنِ الرَّحِيمِ
مَالِكِ يَوْمِ الدِّينِ
إِيَّاكَ نَعْبُدُ وَإِيَّاكَ نَسْتَعِينُ
اهدِنَا الصِّرَاطَ الْمُسْتَقِيمَ
صِرَاطَ الَّذِينَ أَنْعَمْتَ عَلَيْهِمْ
غَيْرِ الْمَغْضُوبِ عَلَيْهِمْ وَلاَ الضَّالِّينَ
“One day, one night, one moment
My dreams could be.. Tomorrow
One step, one fall, one falter
East or west, over earth or by ocean
No day, no night, no moment
Can hold me back from trying
I’ll flag, I’ll fall, I’ll falter
I’ll find my day may be
Far and away
One way to be my journey
This way could be my book of day”
— Enya, Book Of Days
The End
* الراوي : أبو هريرة | المحدث : مسلم | المصدر : صحيح مسلم | الصفحة أو الرقم: 2749 | خلاصة حكم المحدث : صحيح
** الراوي : عبدالله بن عباس | المحدث : الألباني | المصدر : السلسلة الصحيحة | الصفحة أو الرقم : 2276 | خلاصة حكم المحدث : إسناده صحيح رجاله ثقات
Epilogue
الحمد لله بعد ثورة ٢٥ يناير الEnglish School أتغيرت كتير ورجعت مدرسة رائعة وراقية تحت إدارة ميسز جميلة غريب، ودي حاجة تعلمنا أن الفشل مش دايماً نهاية المطاف وإنما ممكن الواحد يرجع ناجح تاني بعد ما يفشل، وأهم فشل او نجاح بيكون في علاقتنا بربنا؛ قالوا قديماً: لكل جواد كبوة، وقالوا: لكل عالم هفوة.
الحمد لله معتز ابن صاحب بابا أتغير كتير جداً وبقى شاب رائع وناضج ومتدين، ودلوقتي هو متجوز ومخلف، أدعوله ربنا يبارك فيه ويحفظه. أما أخوه Esso فبقفل أستوديو تصوير الmodels ورجع ملتزم تاني، وسطي ورائع ومتزن، حاجة تفرح، ورجعنا صحاب جداً تاني وبنشوف بعض كتير وبانتظام وبينا حب وود عظيم كأنه أخويا بعد أخويا.
بعد الرحلة دي بحوالي سنة قررت أصارح البنت اللي كنت بحبها بمشاعري ناحيتها، لكني اكتشفت انها اتخطبت وبتتجوز. طبعاً I had a heartbreak for a long while، لكني دلوقتي حاسس أني I’ve coped with it. كانت فترة صعبة جداً بالنسبالي، لكنها كانت باب لحجات كتير حلوة.. دايماً الheartbreaks بتكون فرصة أننا نبني قلوبنا من جديد أحلى وأجمل وأقوى.
“Well, you done done me and you bet I felt it
I tried to be chill, but you’re so hot that I melted
I fell right through the cracks
Now I’m trying to get back
Before the cool done run out
I’ll be giving it my bestest
And nothing’s gonna stop me but divine intervention
I reckon it’s again my turn
To win some or learn some”
— Jason Mraz, I’m Yours
رسالة من الكاتب
السلام عليكم يا شباب!
شكراً جداً لوقتكم اللي قضيتوه في القراءة. يا رب تكون القصة عجبتكم ويا رب تكونوا استفدتوا.
تابعوني على @byAmrAlee على Facebook وInstagram وLinkedIn وClubhouse عشان تعرفوا أكتر عني، وهكون سعيد جداً أني استقبل رسائلكم عن القصة أو أي موضوع تاني.
أتمنى تشتركوا في جروب الفيسبوك بتاع القصة اللي بعنوان: “مارينا.. كان يا مكان Club” عشان نناقش القصة مع بعض او تشاركوا خواطركم او تجاربكم المشابهة. هتلاقوا QR Code على الغلاف من ورا بيوصل ليه بسهولة او أكتبوا الأسم دا في search الFacebook.
وأتمنى تدخلوا على Goodreads وتدوروا على رواية “مارينا.. كان يا مكان” وتقيموها وتكتبوا reveiw عنها.
وأعملوا لايك لصفحة الفيسبوك @MarinaKanYaMakan عشان تتابعوا أخبار القصة، أسم الصفحة: مارينا.. كان يا مكان.
ناس كتير من اللي قرؤوا القصة سألوني إذا ليا قصص تانية. أنا فعلاً كتبت قصص تانية، لكني لسة منشرتهاش. ممكن تبعتولي رسالة على Facebook او Instagram او الإيميل (amr.ali.ib@gmail.com) وأنا هبعتلكوا الرابط بتاعها من Google Docs.
أخيراً، هكون سعيد جداً لو رشحتوا القصة لصاحبكم وأقاربكم ومعارفكم، وممكن حتى لو شايفينها مفيدة تهدوها ليهم هدية.
بس كدة، وأشوفكم في قصة تانية.
السلام عليكم.
عمرو علي إبراهيم
Amr Ali Ibrahim
My name is Amr Ali Ibrahim. I'm an Egyptian dentist, digital marketer, and novelist from Cairo, born in 1986 and graduated from ASU Dental School in 2009. The novel "مارينا.. كان يا مكان" is considered my first published print book, and I have some other works that are not published as prints yet, however, I've published them on this website.