“Somewhere beyond the sea

Somewhere waiting for me

My lover stands on golden sands

And watches the ships that go sailing”

— Robbie Williams, Beyond the Sea

نزلت من العربية، شلت الدواسات وحفرت حوالين الكاوتشين ورجعت الدواسات تاني، مرة ورا مرة وفي عناء شديد العربية بدأت تتحرك عالدواسات وتطلع من الرملة، ومرة أخيرة والعربية طلعت فوق الممر تاني.

نفضت نفسي من الرملة وركبت العربية، وجلست ثواني أفكر.. ضاعت جلسة الشروق المثالية، واتبهدلت كلي بقيت رملة، لكن الأسوء من كدا أني لسة مجتليش رسالة من ربنا تعرفني إيه الحل في مشكلتي النفسية.. هل خلاص كدة الرحلة فشلت؟ خلاص ربنا مش هيبعتلي رسائل تانية؟ شيلت الhandbrake، رجعت مارشدير، وخرجت من الممر، وأنطلقت بأتجاه الشاليه بتاعنا.

وصلت الشاليه، حطيت إيدي في جيبي أطلع المفاتيح لقيت جيبى مليان رملة. فتحت الباب ودخلت.

قعدت في تعب وإحباط وقلعت الحذاء لقيته مليان رملة. في أمريكا بيستعملوا مصطلح sand in my shoes مجازاً عن أن حد حظه وحش، أنا بقى sand in my shoes بجد..

أنا محبط جداً. كنت قد خططت لأن أصلي الضحى على الشاطئ زي إعلان أقم صلاتك قبل مماتك، لكني انشغلت بالسيارة والعطل الذي أصابها. كانت ستكون نهاية رائعة للقصة، صلاة الضحى على الشاطئ مع شروق شمس يوم جديد فيه أمل. إلى متى ستفشل مخططاتي لنفسي؟ وهل ستفشل قصة إلتزامي؟ وهل سيفشل مشروع مدينة أيضاً؟

الساعة عشرة تقريباً، حتى النوم مش هلحق أنام كويس، باقى ساعتين على صلاة الجمعة، يدوب أنام ساعة ونص عشان أصحى أصلي.

كعادتي قبل النوم قعدت أفكر في البنت اللي بحبها. أظن أنه بفشلي المتكرر هذا في مخططات حياتي ليس لدي معها أي أمل.

نمت على أصوات السيارات والشإحنات التي تمر بالhighway. إنها حقاً نهاية محبطة للقصة.